Министерството за внатрешни работи на Русија официјално објави дека се трага по претседателот на Украина, Володимир Зеленски.
Ова може да се види на обајавата во базата на податоци на руското Министерство за внатрешни работи.
Во неа, покрај личните податоци и прилично стара фотографија на 46-годишниот Зеленски, како основа се споменува член од Кривичниот законик, без да се прецизира кој точно.
Не е наведен ниту датумот на кој е прогласена потрага по украинскиот претседател.
Овој потег на руските власти има само пропаганден ефект и нема практично значење ниту за самиот Зеленски, ниту за развојот на војната во Украина.
Во моментов се трага и по петтиот претседател на Украина, Петро Порошенко.
Неколку часа подоцна, на листата на трагачи беа додадени и командантот на копнените сили на украинските вооружени сили, Олександр Пављук, како и поранешниот министер за одбрана на Украина, Михаило Ковал.
Претходно, Русија во неколку наврати прогласи официјално потерница за различни украински владини функционери или политичари.
Ова се случи во декември 2023 година со тогашниот шеф на украинското воено разузнавање, генерал-полковник Кирил Буданов.
Објавата дојде откако Буданов беше „уапсен во отсуство“ од московскиот суд минатата пролет – под обвинение за создавање терористичка група, складирање оружје и експлозивни материјали.
