Од печатницата „Киро Дандаро“ во Битола утрово почна дистрибуцијата на изборниот гласачки материјал до општинските изборни комисии. Дистрибуирани се 3.600.000 ливчиња, за вториот круг од претседателските избори и за парламентарните избори.
Од печатницата велат дека се потрошени 40 тони хартија, а печатењето траело 15 дена во присуство на стручни лица од ДИК и ОБСЕ.
Претседателот на Државната изборна комисија Александар Даштевски вели дека подготовките за изборите на 8 мај се успешно завршени.
