Коалицијата ВЛЕН во Влада гарантира европски практики на децентрализација: поголема фискална автономија и поголема власт и надлежност за одлучување во нашите општини. Тоа значи повеќе развој и повеќе еднаквост за нашите граѓани, порача Билал Касами од Коалиција Вреди.
“Денеска Македонија е меѓу најцентрализираните држави на континентот, што го зголеми диспаритетот на регионалниот развој, особено таму каде што живеат Албанци. Потребен е вистински модел на децентрализација, кој овозможува ефикасна и ефективна локална самоуправа, која ќе одговара на потребите на граѓаните и ќе стави крај на политиката на уцени и условувања на општините од централно ниво преку системот на донации и инвестиции од горе надолу. Наша основна цел е да ги удвоиме приходите на општините од општиот јавен приход, овозможувајќи одржлива фискална автономија за локалната самоуправа како и инвестиции и развој на самите граѓани.
Коалицијата „ВЛЕН„ гарантира значително зголемување на капиталните инвестиции во помалку развиените региони, а особено таму каде што воопшто немало такви инвестиции.
Ќе се заложиме за трансформација на сегашните плански региони во Напредни административни центри, каде ќе се рефлектираа и ќе се прошируваат сите нивоа на извршна власт (министерство, јавни претпријатија, агенции, дирекции, акционерски друштва) и судство (судови и апелациони обвинителства), а тоа ќе се направи според моделот на регионите, а не според актуелниот модел што предизвикува конфузија и дисбаланца.
За да има еднаквост, мора да има компензација. Во оние региони каде што во минатото се инвестирало помалку, сега треба да се инвестира повеќе. Еднаквоста во развојот на регионите е заедничко добро, ги интересира сите, бидејќи ја зголемува социјалната кохезија, ја зголемува соработката, го ослободува економскиот потенцијал и го зајакнува соживотот и благосостојбата во Македонија” рече Касами.
И покрај зголемувањето на централните инвестиции за рамномерен регионален развој во последните години, постигнувањето на целта од 1% од БДП останува далеку, смета Касами.
Според него, за помалку развиените плански региони ќе се спроведувале конкретни програми од страна на Фондот за иновации и технолошки развој и ќе се зголемат надлежностите на општините во управувањето со природните ресурси, како што се водите, шумите и рудниците.
Коалицијата ВЛЕН, исто така, поддржува територијална административна реформа за општините во Македонија, како одраз на принципите на локалното управување во Европската Унија, порача тој.
Тој додаде дека на 8 мај ќе го проширете нивното добро владеење од локално ниво на централно ниво.
