Спротивно Изборниот законик, во платено политичко рекламирање на претседателските кандидати Стево Пендаровски и Бујар Османи учествуваат малолетници, реагира Агенцијата за аудио и аудиовизуелни медиумски услуги (АВМУ) по мониторингот на изборното медиумско претставување за претседателските избори 2024 година
„За содржината на платеното политичко рекламирање се одговорни нарачателите, но радиодифузерите се одговорни за законитоста на неговото емитување.
Оттаму, радиодифузерите треба веднаш да престанат да ги емитуваат овие спотови, а учесниците во изборната кампања да ја усогласат содржината на нивното платено политичко рекламирање со законската регулатива“, велат од Агенцијата за аудио и аудиовизуелни медиумски услуги.
