Заврши собирањето потписи за претседателските кандидати.
Во битката за претседател на Македонија влегуваат седум кандидати.
Според пребројувањето на ДИК, заклучно со 20 часот на 8-ми март, најмногу потписи има собрано кандидатот на ВМРО-ДПМНЕ, Гордана Силјановска-Давкова. За неа потписот го дале повеќе од 28.000 граѓани.
Кандидатот на СДСМ и актуелен претседател, Стево Пендаровски ја доби поддршката за да биде кандидат од 22.000 лица.
Максим Димитриевски, Стевчо Јакимовски, Бујар Османи, Арбен Таравари и Билјана Ванковска успеаја да ги соберат потребните над 10.000 потписи.
Неуспешен обид да влезат во претседателската трка имаа Мерсиха Смаиловиќ, Вело Марковски, Ѓорѓи Манасков, Зорица Цветковска, Господин Попоски, Драган Николовски и Гоце Ристов. Тие не добија поддршка за кандидатура. Томе Николовски се откажа од собирање на потписи.
