Претседателот на Украина Зеленски кажа дека над 31 илјади украински војници и десетици илјади цивили се убиени во војната. Зеленски одржа прес-конференција во Киев на двегодишнината од руската инвазија. Тој се надева дека напролет ќе има самит на светските лидери во Швајцарија.
Тој изрази надеж дека самитот на светските лидери ќе се одржи во Швајцарија во наредните месеци на кој ќе се разговара за неговата визија за мир.
„Не 300.000, не 150.000, ниту, за како што лажеше [рускиот претседател Владимир] Путин и неговиот измамнички круг. Но, сепак, секоја од овие загуби е голема жртва за нас“, рече тој.
Зеленски рече дека нема да разговара за бројот на повредени, наведувајќи безбедносни причини.
Се чини дека тој број е првиот официјален податок за загинати украинските војници. Последен пат кога Киев зборуваше за бројот на борбени загуби беше на крајот на 2022 година, кога претседателскиот помошник Михаило Подољак рече дека биле убиени од 10.000 до 13.000 украински војници.
