Со 154 гласа „за“, без приговори и 22 гласа „воздржани“, бугарските пратеници го усвоија предлог-законот за изменување и дополнување на законот за бугарско државјанство.
Со нив се предлага уверенијата за стекнување бугарско државјанство да се врачуват на свечени церемонии во Министерството за правда или во дипломатско-конзуларните претставништва на Република Бугарија во странство.
Според измените, доставувањето на уверенијата за стекнување бугарско државјанство е актот со кој се заокружува целата постапка за стекнување државјанство.
Свеченото доставување на сертификатот дополнително ќе додаде тежина на овој чин, што е и израз на важноста што бугарската држава ја придава на оваа важна промена во животот и правниот статус на поединците.
Предлог-законот предвидува дополнување на условите за стекнување бугарско државјанство на лица со бугарско потекло, како и на лица со родител кој се стекнал со бугарско државјанство, а како задолжителен услов се воведува познавање на бугарскиот јазик.
