Долниот дом на американскиот Конгрес замина на одмор, оставајќи го без разгледување пакетот помош одобрен од Сенатот за Украина.
Белата куќа за ова го критикуваше претседателот на Претставничкиот дом Мајк Џонсон, објави Укринформ.
Портпаролот на Белата куќа, Ендрју Бејтс, рече дека Џонсон заминува на одмор „наместо да стави крај на штетата што ја прави на нашата национална безбедност“.
Секој ден, претседателот Џонсон ја влошува нашата национална безбедност, Америка губи.
Претседателот на Претставничкиот дом, Мајк Џонсон, претходно истакна дека конгресмените имаат други приоритети, особено завршувањето на работата за буџетот на САД.
Тој исто така нагласи дека Претставничкиот дом не може да биде принуден да усвои предлог-закон за помош на Киев и дека телото нема да го разгледува предлог-законот за помош на Украина и Израел кој не вклучува точка за зајакнување на заштитата на американската граница со Мексико.
Претходно американскиот Сенат го поддржа нацрт-законот со кој се обезбедува помош од 95 милијарди долари за Украина, Израел и Тајван без мерки за заштита на американската граница.
