Претседателот на Демократското движење Изет Меџити вечерва изјави дека лидерот на Алијанса за Албанците Арбен Таравари донел автономна одлука да ја поддржи албанската опозиција и дека клучно за тоа била поддршката што ја добил од членството.
– Очигледно дека динамично ќе биде во албанскиот блок, и веќе нема да има никој дилема, тие што ги познаваат приликите, кој е победникот во албанскиот блок односно Европскиот блок за промени. Отсега натаму дилемата е само која ќе биде разликата – рече Меџити во телевизиско интервју.
Европскиот сојуз за промени, според него, убедливо ќе победи, особено, во шестата изборна единица што, според него, е важно бидејќи половина од пратениците произлегуваат од оваа изборна единица.Тој потврди дека Таравари бил еден од кандидатите за претседател, но вели ќе разговараат и со други кандидати.
