Претседателот на САД Во на собир со граѓани во Лас Вегас во неделата изјавил дека пред кратко време се сретнал со Франсоа Митеран, екс француски претседател кој е мртов речиси 3 децении.
Фрапантната изјава на американскиот претседател Џо Бајден се случила за време на кампањата во центарот на заедницата Пирсон во Лас Вегас, Невада, САД, во недела, 4 февруари 2024 година.
Бајден раскажувал приказна за средбата што ја имал со францускиот претседател Емануел Макрон за време на состанокот на Г7 во Англија, неколку месеци откако Бајден ја презеде Белата куќа.
„Седнав и реков: „Америка се врати“, се сеќава Бајден. „И Митеран од Германија – мислам од Франција – ме погледна и рече… Па, колку време се враќаш”, раскажувал Бајден за наводната средба со мртвиот претседател на Франција кој очигледно го меша со актуелниот француски претседател Макрон.
Претседателот продолжил со приказната, велејќи дека „канцеларот на Германија“ го прашал како тој – а во продолжение, САД – би одговориле ако, хипотетички, илјадници луѓе упаднат во британскиот Дом на општините и убијат двајца „боби“, или британски полицајци, за да го спречат изборот на премиер.
Франсоа Митеран беше претседател на Франција помеѓу 1981 и 1995 година. Почина во 1996 година.
