Последниот извештај од надзорот за коридорите 8 и 10д со кои управува американско-турскиот конзорциум „Бехтел и Енка“ покажа дека обезбедено е само 58 отсто од потребното земјиште за изградба на автопатите.
Проценките покажуваат дека експропријацијата на земјиштето се предвидува да чини неверојатни 300 милиони евра. Властите тврдат дека државата има намера да го купи земјиштето по пазарни цени, утврдени со данокот на имот што го плаќаат сопствениците на земјиштето. До „Бехтел и Енка“ досега јавното претпријатие за државни патишта има исплатено околу 235 милиони евра. Дополнителни 250 милиони евра се предвидени директно да се издвојат од државниот буџет годинава
