„Секоја влада, без разлика од која провиниенција е, ќе мора да се задржи на евроатлантскиот стратегиски курс и да овозможи национален консензус. Во спротивно нема да ја има.“ – оваа директно упатена закана до следната Влада на Македонија, која ќе биде избрана по парламентарните избори на 8 мај, уште отсега ѝ ја упатува Ана Чупеска, професор по политички науки од Правниот факултет „Јустинијан Први“ од Скопје и членка на владината Комисија за промена на уставот, во својата колумна со наслов „Погрешна фрула“. Колумната ја објави информативниот портал „Либертас“.
Покрај другото, Чупеска пишува: Се посилни и поаздисани во нашата јавност се евроскептичните гласови. Но, џабе им е: фактички идејно најподржувана политичка платформа е: МКД во ЕУ. ЕУ е најповолниот можен свет од расположливите на лагер и со сите свои маани факт е дека тоа е сепак демократски и мирен свет. Нашата земја ниту географски, ниту вредносно, ниту енергетски не им припаѓа на бриксовците и на БРИКС. Напредокот не сака автократија! Граѓаните сакаат напредок и извесност. Следствено, Македонија не сака во БРИКС.
Земјата наша е во статус на започнати но, поради таквите како вас, закочени преговори и земјата е несомнено дел од Европската Политичка Унија, лансирана во 2022. Мaкедонија веќе се качи на брзата лента на проширувањето. Сега многу е опасно да се симне од лентата, додека таа врти. Сите ние овде, во таа смисла, имаме јавна, државна и морална должност да продолжиме да ја негуваме “стратегиската интимност” со ЕУ и со САД, односно со евроатланската и пред се МИРОВНА И ДЕМОКРАТСКА ПЛАТФОРМА, затоа што спротивното би значело – пат до никаде.
