Израелски министер: Иран е легитимна цел – „главата на змијата“ е во Техеран

Израелскиот министер за економија Нир Баркат изјави дека Иран сега е „легитимна цел“ на израелските ракетни напади.

„Нема да се извлечат. Главата на змијата е во Техеран“, рече Баркат, нагласувајќи дека Иран нема да се извлече со употребата на „марионети“ против Израел.

„Ние им веруваме кога велат дека сакаат да го уништат Израел“, додаде министерот. „Џихадистите сакаат да ги убијат сите немуслимани. Можеби сме први во редот, но сите сме на ист синџир.

Тие го нарекуваат Израел Малиот Сатана, а Големиот Сатана се САД, а сите останати се во средината“, рече Баркат во интервју за Телеграф.

Тој не пропушти да нагласи дека мора да се „елиминира“ и „Хезболах“.

Исто така, нагласи дека Палестинците од Западниот Брег никогаш повеќе нема да имаат можност да работат во Израел, истакнувајќи дека ќе бидат заменети со странски работници.