На патот кон своето евентуално деветто учество на мундијалите машката ракометна репрезентација на Македонија има 11 можни противници, од кои седум што завршија зад неа на тековното Европско првенство во Германија, и тоа Србија, Швајцарија, Романија, Босна и Херцеговина и дебитантите Грција, Фарски Острови и Грузија.
Другите четири можни ривали за баражот во мај, за кој ждрепката ќе се изврши во март, се победниците од мартовските двомечи меѓу Белгија и Италија, Естонија и Украина, Финска и Литванија, односно Словачка и Луксембург/Израел.
Бранителот на светската круна Норвешка, потоа Хрватска и Данска, како три соорганизатори на СП 2025, автоматски ќе бидат дел од планетарниот ракометен собир со 32 учесника, заедно со трите најдобри селекции од ЕП во Германија.
