Во чест на православниот празник Обрезание Господово и Свети Василиј Велики, традиционално се изложуваат на поклонение дел од моштите на овој светец. Православните верници во Струмица од синоќа се поклонуваат
– Долги години ја имаме таа благодат да бидеме дел од молитвите на Свети Василиј Велики. Ние можеме да се поклониме на светите мошти, кои секоја година пред празникот на Свети Василиј Велики се изнесуваат на поклонение овде, во црквата „Свети Кирил и Методиј“, велат од Струмичката епархија.
По синоќешната Вечерна археирејска служба, на која присуствуваше и Викарниот епископ Јаков Стобиски, на верниците им беа подеделени лепчиња со паричка.
За православната црква, Свети Василиј Велики е еден од нејзините столбови или како што бил наречен „око на православната црква и уста на Светиот Дух“.
Според преданијата, моштите се донесени во Струмица во 1830 година од Кападокија од војник од овие краишта кој служел во војската на турската империја.
