Најмалку 80% од објавите на социјалните мрежи на бугарски јазик, во кои се споменуваат „Роми“ во некоја форма, имаат навредлива содржина со предрасуди.
Податоците од студијата на Центарот Амалипе, собрани од социјалните мрежи во периодот од 1 септември до 30 ноември 2023 година окажуваат дека од 1.252 текстови во кои се споменуваат Роми, повеќе од 80% се со навредлива содржина.
Само 20% од објавите имаат позитивна или неутрална содржина. Сепак, тие најчесто доаѓаат од ромски групи во мрежите каде што меѓусебно комуницираат, пишува Њуз.бг
Во 54% од текстовите во некоја форма се користи името на етничката група – Роми, а во 37% името – Цигани.
Сепак, употребата на терминот Роми воопшто не значи дека соодветните публикации се позитивни. Често се среќаваат фрази со пејоративно значење како „браќа Роми“.
Всушност, терминот „Ром“ почесто се користи за саркастични забелешки, додека циган почесто се користи во директни и нескриени навреди.
Зборовите со директно навредливо значење како „мангали“ се користат многу поретко – во 2-3% од публикациите.
