За време на летот над регионот Воронеж во Русија, руски воен авион дошло морал итно да се ослободи од муниција, при што погодил – руско село.



Нема жртви, се наведува во соопштението на руското Министерство за одбрана.

„Итното ослободување муниција од авионот се случи на 2 јануари околу 9 часот по локално време додека авионот на руското воено воздухопловство леташе над населбата Петропавловка во регионот Воронеж“, се вели во соопштението.

Министерството додаде дека се оштетени шест приватни згради. Покрената е истрага за инцидентот, јавува руската државна новинска агенција Тас.

Регионалниот гувернер Александар Гушев изјави дека жителите на неколку улици во Петропавловка се преместени во центар за привремено сместување. Надлежните ќе ја проценат штетата и ќе платат обештетување, најави тој.