Поранешниот претседател на САД Доналд Трамп е отстранет од гласачкото ливче за претседателските избори во Мејн.
Ова е втора американска сојузна држава – по Колорадо -, која му „забранува“ повторна кандидатура на Трамп.
Тој беше „избришан“ откако државниот секретар на Демократската Мејн Шејн Белоус го отстрани неговото име од гласачкото ливче во четвртокот според клаузулата за бунт од Уставот на САД.
Белоус рече дека Трамп повеќе не може да се кандидира за претседател на Соединетите држави бидејќи неговата наводна улога во нападот на Капитол на 6 јануари 2021 година, го прекршува делот 3 од 14-тиот амандман на Соединетите држави, со кој се забрануваат од функцијата оние кои „вклучени во бунт“, пренесува Гласот на Америка.
Нејзината одлука дојде еден ден откако адвокатите на Трамп побараа од неа да се дисквалификува поради твитови за кои рекоа дека покажуваат пристрасност.
Таа го нарече нападот на американскиот Капитол „бунт“ и се пожали дека Трамп не бил осуден од американскиот Сенат откако бил отповикан од Претставничкиот дом.
Тимот на Доналд Трамп најави дека ќе поднесе жалба до Врховниот суд на САД.
„Одлуката на државниот секретар им ја ускратува можноста на илјадници гласачи во Мејн да гласаат за кандидатот по свој избор и треба да биде поништена“, напиша републиканската сенаторка Сузан Колинс на платформата X.
