Рускиот претседател Владимир Путин користи посредници за да покаже интерес за примирје со Украина, тврдат за „Њујорк тајмс“ (NYT) поранешни и сегашни високи руски, американски и меѓународни претставници.
Весникот, сепак, предупреди дека сигналите можеби не ја одразуваат вистинската подготвеност за преговари.
Неколку можни мотивации што може да ги има Путин:
-претстојните руски претседателски избори во март 2024 година,
-желбата да ги држи отворени неговите опции во однос на решавањето на војната и да ја искористи предноста на перцепираната опаѓачка поддршка на Западот за Украина и „одвлекување на вниманието“ од војна Израел-Хамас.
-Привремениот прекин на огнот ќе биде од корист за Русија со тоа што ќе и даде време да се подготви за продолжување на непријателствата потоа, како што редовно предупредува ISW.
Портпаролот на Кремљ, Дмитриј Песков, изјави за NYT дека „Русија останува подготвена за преговори, но исклучиво за постигнување на сопствените цели“, како одговор на прашањето за подготвеноста да се преговара за прекин на огнот според сегашните линии.
Путин неодамна повтори дека неговите максималистички цели во Украина – „деназификација“, „демилитаризација“ и наметнување „неутрален статус“ на Украина – остануваат непроменети, а тој и високите претставници на Кремљ сè повеќе изразуваат експанзионистичка реторика што укажува дека целите на Путин не исклучуваат натамошни руски територијални придобивки во Украина.
