Поранешниот американски претседател Доналд Трамп во петокот ги бранеше антиимигрантските коментари што ги даде претходно оваа недела, објави ABC News.
Тој го направи ова откако неговите критичари го обвинија дека ги следи расистичките чувства на Адолф Хитлер.
Запрашан за коментарите што ги даде на неодамнешниот митинг во Њу Хемпшир, каде што рече дека илегалните имигранти „ја трујат крвта на нашата земја“, Трамп рече:
„Прво, не знам ништо за Хитлер. Јас не сум ученик на Хитлер. Никогаш не сум ги читал неговите дела, рече Трамп. Тие велат дека рекол нешто за крвта“…
Кампањата на претседателот Џо Бајден во средата директно го спореди поранешниот претседател Доналд Трамп со Адолф Хитлер.
Наведоа три цитати на Трамп и ги споредија со оние на Адолф Хитлер.
„Имигрантите ја ’трујат крвта на нашата земја’“, гласи еден цитат на Трамп.
Под него стои делумен цитат од Хитлер: „Загадувањето на крвта“ од „инфериорна раса“ ќе донесе пад на Германија.
„Ова не е случајност“, соопштија од кампањата на Бајден на социјалната мрежа “X“.
