Министерот за внатрешни работи Оливер Спасовски и основниот јавен обвинител Гаврил Бубевски претпладнево ќе одржат заедничка прес-конференција, на која, иако тоа не е наведено во соопштението, централна тема треба да бидат убиствата на 14-годишната Вања Ѓорчевска и на 74-годишниот велешанец Панче Жежовски.
„Утре, (04.12.2023) во 9:30 часот, министерот за внатрешни работи на Република Северна Македонија, Оливер Спасовски и основниот јавен обвинител на ОЈО Скопје Гаврил Бубевски во зградата на Јавното обвинителство ќе одржат прес-конференција. Ги покануваме заинтересираните медиуми да присуствуваат на прес-конференцијата. Воедно, известуваме дека работните средби во СВР Куманово и во Регионалниот центар за гранични работи Север, кои беа закажани за утре, се откажуваат“, соопшти МВР доцна синоќа.
