На денешен ден е ослободено Скопје во Втората светска војна. Ослободувањето на Скопје е Пиемонт на борбата за ослободување на Македонија од фашистичкиот окупатор во лицето на фашистичка Бугарија и фашистичка Италија, истакнува потпретседателот на ВМРО-ДПМНЕ, Александар Николоски.
„Во ослободено Скопје први влегуваат Димитар Влахов, Методија Андонов Ченто и Генерал Михајло Апостолски.
Димитар Влахов како една од легендите на ВМРО во периодот на ослободителните борби против Отоманската империја, а подоцна и против трите соседи кои ја делат Македонија е најдобар показател за националниот карактер на борбата на македонскиот народ во Втората светска војна и учеството на дејците на ВМРО во партизанското движење и ослободувањето на Македонија. Вечна слава“ – посочува Николоски.
