Ѓорѓе Војновиќ реизбран за член на Одборот на директори на Триглав Осигурување АД, Скопје.
Собранието на акционери на Триглав Осигурување АД, Скопје го реизбра Војновиќ ,и му довери мандат во наредните 4 години.
„На ден 20.09.2023 година Агенцијата за супервизија на осигурување донесе Решение со број УП 14-2-1030, со кое што се издава согласност за г-дин Ѓорѓе Војновиќ за вршење на функцијата член на орган на управување во друштво за осигурување. Одборот на директори на Друштвото на својата 206-та седница, одржана на 28.09.2023 година, даде согласност за склучување на Договор за работа на извршниот член на Одборот на директори“, информираат од Македонска берза.
Одборот на директори на Друштвото на 201-ва седница на Одборот на директори, одржана на 14 јули 2023 година, го назначи Ѓорѓе Војновиќ за извршен член на Одборот на директори – Главен извршен директор, со тоа што Oдлуката влегува во сила на денот на донесувањето, а ќе се применува од денот на добивање согласност за вршење на функцијата член на орган на управување од страна на Агенцијата за супервизија на осигурување.
Војновиќ продолжува да ја врши функцијата Главен извршен директор на Триглав Осигурување АД, Скопје.
