26.000 евра потрошил премиерот Димитар Ковачевски за рекламирање на социјални медиуми, за што постапка поведе антикорупциска. Парите биле потрошени во првите 100 дена од стапување на функција, а утврдено е дека не се од Буџетот туку од неговата партија СДСМ, соопштија од Државната комисија за спречување корупција. И покрај толку потрошени пари за пи – ар, антикорупционерите на денешната седница изнесоа низа забелешки за недоволна транспаретност од страна на Кабинетот на прамиерот, како и за алатката Опен фајнанс.
Од антикорупциска на два пати праќале дописи до Влада, а не добивале прецизни информации како е платена кампањата на Премиерот. ДКСК треба податоците да ги бара од Мета (Фејсбук).
Утврдено е дека парите се од партија, но се поставува дилемата кој е донаторот на матичната партија на СДСМ.
-Таа алатка ја користиме за време на изборите. Тоа се бази на податоци преку Фејсбук и редовно има податоци за тоа кој ги плаќа тие реклами. Во овој случај вистина тоа е политичката партија СДСМ – рече Катица Николовска.
