Околу 500 милиони евра се претпоставува дека ќе загуби Косово од мерките кои ги презеде меѓународната заедница, поради одбивањето на Владата на Албин Курти да ги исполни барањата на меѓународните партнери за смирување на состојбите во северно Косово, пишува денеска приштинскиот портал „Економиа онлајн“.
Предвидувањата на експертите се дека покрај штетите на економијата, и правниот систем ќе претрпи големи загуби, со оглед дека Европската Унија е главен донатор на полето на реформите во судството.
Претседателот на Косовската алијанса на бизнисите (АКБ), Агим Шахини вели дека предвидувањата се оти до крајот на годинава косовската економија ќе загуби над половина милијарда евра.
