Директорот на Тхор Индустриес Дрин Ахмети и внук на претседателот на ДУИ Али Ахмети најавии дека ќе го тужи претседателот на партијата БЕСА и градоначалник на Тетово Биљал Касами ако јавно не се извини за обвинувањата кои денес ги изнесе на прес конференција за работењето на компанијата – пренесе Фокус.
„Во врска со прес-конференцијата оддржана од страна на претседателот на партијата БЕСА и градоначалник на Тетово Биљал Касами, сакаме да ве информираме дека се работи за комплетна невистина и погрешна пласирана информација во јавноста. ‘Тхор Индустриес’ ги демантира сите невистини искажани од господинот Касами кои наведуваат на неетичко работење поврзани со компанијата“, стои во соопштението до јавноста од Дрин Ахмети.
Според него овие тврдења на Касами се целосно невистинити, кои нанесуваат штета и на компанијата и на неговиот личен углед.
„Ваквите лажни тврдења прават штета на компанијата, како и на личниот углед на сопственикот Дрин Ахмети. ‘Тхор Индустриес’ бара јавно извинување од страна на партијата БЕСА и господинот Касами, во спротивно ќе ги превземе сите правни дејствија за претрпената штета од невистините изнесени од страна на господинот Касами“, стои во соопштението од Дрин Ахмети.
Тетовскиот градоначалник Касами на денешната прес конференција го повика лидерот на ДУИ Али Ахмети да објасни како неговиот внук преку ноќ станал милионер со капитал тежок 32 милиони евра.
Целиот текст на следниот линк:
https://fokus.mk/drin-ahmeti-bara-javno-izvinuvane-od-bilal-kasami-vo-sprotivno-ke-tuzhi/
