Бројот на оние кои минатата 2022 година побарале сигурност и безбедност, лани се зголеми за 19,1 милиони луѓе во споредба со 2021 година и достигнаа 108,4 милиони.
Ова е најголем пораст забележан досега во историјата, објави Филип Леклер, претставник на Високиот комесаријат за бегалци во Турција.
Леклер уште еднаш ја повика ЕУ да ја стави безбедноста и солидарноста со бегалската драма на прво место и да бара подобри механизми за распределба на бегалците по земји.
Според податоците на ОН, 35,3 милиони од раселените лица во 2022 година се бегалци, 62,5 милиони се внатрешно раселени лица, 5,4 милиони бараат азил, а уште 5,2 милиони имаат потреба од меѓународна заштита.
Земјите со високи приходи, кои сочинуваат најголем дел од светското богатство, примија 24% од бегалците на крајот на 2022 година.
Наспроти ова, земјите со среден и низок приход учествуваат со 76%, од кои 20% најмалку развиени земји.
„Земјите соседни Судан ги прифатија оние кои бегаат од кризата таму оваа година. Соседните земји на Сирија, вклучително и Турција, се домаќини на сириски бегалци повеќе од една деценија.
Кенија и другите земји на африканскиот континент продолжуваат да ги засолнуваат Сомалијците; Бангладеш е домаќин на стотици Илјадници Рохинџа, итн.“, рече Леклер.
„Од друга страна – исто така и велиме на Европа и на сите земји – прифатете ги барањата за азил според основаноста, а не врз основа на националноста или начинот на пристигнување на лицето“, додаде тој.
