Изјавата дека Бугарија ќе се согласи на повторно преговарање на условите од преговарачката рамка со Македонија е целосно апсурдна, изјави за БНР копретседавачот на „Демократска Бугарија“ Христо Иванов.
Според него, ваква тема не е покрената ниту внатрешно, ниту од нашите меѓународни партнери, ниту пак има шанси да се случи, пренесува Њуз.бг.
Иванов смета дека Бугарија во последните години претрпе целосен неуспех во дипломатијата во односите со Македонија и изрази надеж дека министерката за надворешни работи Марија Габриел ќе го промени правецот на однесување кон нашите соседи.
Тој ја истакна важноста на односот меѓу Бугарите и Македонците.
„Сакаме да се зближиме со нашите браќа, но го постигнуваме токму спротивното“, објасни Иванов.
„Ние им дозволивме на политичарите од двете страни да инјектираат омраза“, додаде тој.
Станува збор за способноста на една земја да спроведе т.н јавна дипломатија, да ја убеди јавноста да не му верува слепо на релевантниот министер или влада. Доживеавме историски неуспех на полето на таквата дипломатија. Дозволивме политичарите од двете страни да внесуваат омраза“, рекол Иванов.
„Покрај одделните формални прашања, мора силно да го преиспитаме нашиот курс во овој поглед. Дозволивме српските и московските агенти да ја доведат ситуацијата до овој распад на односите меѓу двата народа.
Имаме многу добра европска рамка која ни дава можности да ги гарантираме нашите права, но има и други алатки кои треба да ги примениме. Тие треба да се спроведуваат ефективно, а не контрапродуктивно“, додал Иванов во интервјуто за БНР.
