Соединетите Американски Држави веруваат дека снабдувањето со касетна муниција ќе и помогне на Украина, објави Ројтерс, повикувајќи се на заменик-помошникот на секретарот за одбрана за Русија, Украина и Евроазија, Лаура Купер.
Касетната муниција, забранета во повеќе од 120 земји ширум светот, обично ослободува големи количини мали експлозивни подмуниции кои се шират на широк простор и можат да убијат цивили.
„Нашите воени експерти потврдија дека тие ќе бидат особено кориснина бојното поле“, рече Купер.
Не е постигнат напредок во снабдувањето, рече таа, поради постојните ограничувања на Конгресот.
Противниците на употребата на касетна муниција предупредуваат дека, поради нивната голема површина на удар, тие можат да осакатуваат и убиваат цивили, а неексплодираните убојни средства остануваат опасни со години по завршувањето на конфликтот.
Договорот од 2008 година за забрана на производство, употреба и поседување на касетна муниција беше усвоен од 123 земји, вклучително и повеќето членки на НАТО.
САД, Русија и Украина одбија да се приклучат на договорот.
„Во однос на ефикасноста на бојното поле, мислиме дека (користењето на касетна муниција) би било корисно“, рече Купер.
