Сѐ уште се трага по исчезнатите лица во реката Лепенец, информираше за МИА, директорот на Центарот за управување со кризи, Стојанче Ангелов.
„Реката е длабока и многу брза и носи предмети со неа кои претставуваат опасност на нуркачите“, рече тој.
Станува збор за лицата кои со возило со косовски регистарски таблички при вчерашната сообраќајна несреќа паднаа во реката Лепенец на патот Скопје – ГП Блаце. Во возилото, покрај возачот, имало и тројца сопатници.
Едно лице е извадено од реката и пренесено во ГОБ „8 Септември“, а по останатите три лица се трага.
Според првичните информации од Основно Јавно обвинителство, до несреќата дошло кога автомобил „Фолксваген туран“ со македонски регистарски ознаки претекнувал колона автомобили.
