Лидерот на руската паравоена група Вагнер, Евгениј Пригожин, денеска изјави дека до следната недела ќе ги повлече своите војници од Бахмут во источна Украина бидејќи немаат доволно муниција.
Пригожин се закани дека до среда ќе ги повлече своите војници кои се борат против Украинците на фронтот околу Бахмут поради залихи на муниција, пишува BBC.
Лидерот на паравоената група ја објави својата закана до руското Министерство за одбрана откако објави видео на социјалните мрежи на кое се гледа како оди покрај телата на убиените војници, барајќи од официјалните лица повеќе муниција.
„(Рускиот министер за одбрана Сергеј) Шојгу! (Началник на ГШ Валериј) Герасимов! Каде е… муницијата?… Дојдоа овде како доброволци и умираат да се здебелите во вашите канцеларии од махагони“, вели Пригожин во објавеното видео.
Водачот на паравоената група во неделата изјави дека на неговите луѓе им недостига муниција и предупреди дека украинската контраофанзива може да биде „трагедија“ за Русија.
„Ние (Вагнер) имаме само 10 до 15 проценти од муницијата што ни е потребна“, рече шефот на Вагнер во интервју за прорускиот воен дописник Семјон Пегов.
Пригожин, кој го обвини врвот на руската армија дека е одговорен за овие недостатоци, рече дека очекува украинска контраофанзива во средината на мај.
Тој е во отворен конфликт со руската воена хиерархија, која ја обвинува дека намерно не доставува доволно муниција на своите луѓе, а неколку пати јавно го прозва рускиот министер за одбрана Сергеј Шојгу.
