Победникот на претседателските избори и иден шеф на Црна Гора, Јаков Милатовиќ синоќа ѝ се обрати на јавноста по убедливата победа.
„Вечерва е ноќта што ја чекаме повеќе од триесет години, да се радуваме на оваа победа“, рече тој.
Вечерва го оставаме минатото во минатото, силно чекориме во иднината. Ги поканувам сите вечерва достоинствено да славиме“, рече Милатовиќ и додаде:
„Рековме збогум на катастрофалниот режим и последниот диктатор во Европа“.
Според резултатите на Центарот за мониторинг и истражување (ЦЕМИ), кандидатот на движењето Европа сега Јаков Милатовиќ, според првичните проекции освоил 60,1 отсто од гласовите во вториот круг од претседателските избори. во Црна Гора, а актуелниот шеф на државата Мило Ѓукановиќ 39 ,9.
Гласале 69,33 отсто од гласачите, што е за пет отсто повеќе од првиот круг.
Претседателскиот кандидат на ДПС и претседател на Црна Гора во заминување, Мило Ѓукановиќ вечерва зборуваше од својот штаб и му ја честиташе победата на новиот претседател на Црна Гора.
„Црна Гора направи избор, јас го почитувам тој избор, му честитам на Јаков Милатовиќ. Му посакувам да биде успешен претседател бидејќи тоа може да значи дека и Црна Гора ќе биде успешна земја“, рече Ѓукановиќ.
„Секако останувам претседател до 21 мај, ќе се обидам да си ја работам работата на најдобар начин, мојот став кон она што го избраа граѓаните беше многу покритично од она што го видоа граѓаните, сакам новиот претседател да биде успешен и да придонесе за просперитет на државата“, рече Ѓукановиќ во обраќањето во изборниот штаб.
Премиерот на Црна Гора Дритан Абазовиќ ги коментираше резултатите од претседателските избори во Црна Гора, по што му честиташе на новоизбраниот претседател Јаков Милатовиќ.
„Му честитам на Јаков Милатовиќ за неговиот избор за прв европски претседател во историјата на Црна Гора. Мисијата заврши. На Црна Гора ѝ претстои светла иднина. Ќе работиме заедно за европска, граѓанска и еколошка држава“,напиша Абазовиќ на Твитер.
