Младиот Умејр Муамеди објавува дека вицепремиерот Артан Груби на Косовската телевизија “РТВ Дукаѓини” на Косоварите им објаснува дека Македонците (како етникум) имаат страв од Бугарите, од Грците, од Албанците и од можни територијални поделби.
,,Генерално ги претставува македонците како фобична нација, триумфалистички го покажува тоа дека клучните позиции им се земени на Македонците но не и калта и лошата инфраструктура по албанските населени места, дека на него шеф му е Али Ахмети а не Димитар Ковачевски и многу други шовинистички муабети (нешта што не одат ниту во прилог на албанците ниту во прилог на македонците а на штета на сите). Значи заменик премиерот на Македонија (за него северна) за Македонците збори како да му се непријатели а не сограѓани”, пишува Муамеди.
,,Во вакви моменти Премиерот треба да излезе и да даде оставка бидејки кога твојот заменик така се претставува треба да му биде срам а не привилегија дека е премиер.
Македонија и официјално нема премиер односно има “Британска Кралица”. Вицепремиер а де факто премиер е Артан Груби”, смета младиот Муамеди.
