Бугарскиот професор и поранешен советник на бугарскиот претседател претседател Жељу Желев, Михаил Иванов, на фејсбук објави дека се приклучува на повикот на македонскиот претседател дека е потребно да се именуваат оние кои стоеја зад холокаустот на македонските Евреи пред 80 години и дека треба да се извинат, објавува МКД.Мк.
Иванов на својот профил ја пренесе вчерашната изјава на македонскиот претседател Стево Пендаровски за време на одбележувањето на 80-годишнината од прогонот на македонските Евреи во Скопје:
„Правда значи да се препознае и именува вистината и таа да биде почитувана од сите. За да има помирување, треба да има извинување за улогата на профашистичката влада во Софија во тоа време во депортацијата на македонските Евреи“.
Професорот Иванов на својот фејсбук-профил исто така напиша дека се согласува со изјавите на Горан Садикарио, директорот на Музејот на холокаустот во Скопје.
„Го слушам Горан Садикарио и ме боли. Затоа што тој е апсолутно во право. Зошто не слушам од демократските политички партии за срамната ситуација во која генералот Радев и неговата придружба ја ставија Бугарија“, вели Иванов.
