При „0“ нтерес за вакцинирање во Бугарија ќе бидат уништени 2,8 милиони дози вакцина против новиот коронавирус (Ковид-19).
Министерот за здравство Асен Меџидиев изјави: „Има нула интерес за вакцинација. Треба да уништиме 2,8 милиони вакцини на кои им истекува рокот“.
Меџидиев рече дека по уништувањето на 2 милиони дози вакцина со поминат рок минатата година, годинава истекува рокот на уште 2.800.000 дози вакцина.
Но, во соопштението на Министерството за здравство се наведува дека Бугарија мора да увезе уште 8 милиони вакцини до крајот на оваа година во согласност од координираната политика на Европската унија (ЕУ) за борба во интензивниот период на епидемијата на Ковид-19 и дека дел од ова е веќе платен однапред.
Меџидиев рече и дека со сета сериозност го пријавиле проблемот до Европската комисија, но од таму се уште нема одговор.
„Повторно изјавуваме дека имаме премногу вакцини, ниска покриеност со вакцинација, недостаток на приматели и можност да донираме или препродаваме. Да продолжиме да примаме и плаќаме за вакцините што ќе ги укинеме, па дури и да плаќаме пенали за откажување, е ирационално.
Ова го изјавил в.д. министерот за здравство Асен Меџидиев на видео конференција со европската комесарка за здравје и безбедност на храна Стела Киријакидес, одржана на нејзина иницијатива.
„Бугарските граѓани заслужуваат јасен и конкретен одговор, затоа продолжуваме да инсистираме на повторно преговарање на условите од договорот склучен меѓу Европската комисија и Pfizer 2022-2023 година, со можност за раскинување на основа на виша сила“, посочил во разговорот министерот.
Бугарија е меѓу земјите со најмал процент вакцинирани против Ковид-19 во ЕУ. Околу 39 илјади луѓе починаа во епидемијата во земјава.
