Тајванскиот министер за одбрана Чиу Куо-чен ѝ предложи на кинеската војска да фаќа белешки од руската инвазија на Украина.
Русија се обиде, но не успеа да го освои украинскиот главен град Киев во првите денови на војната.
Потенцијалното влијание на војната во Украина врз кинеското размислување и како Кина може да го нападне островот, кој Пекинг го гледа како суверена кинеска територија, нашироко се дискутира во официјалните кругови во Тајпеј.
Тајванскиот министер смета дека дури и ако кинеските сили планираат брз напад, тие ќе се соочат со тешкотии во обидот да го заземат островот во ненадеен напад, бидејќи ќе мора да го преминат Тајванскиот теснец што ги дели.
Треба да го надминат ова. Нема да биде толку брзо како недела или две, појасни Чиу, пренесува Ројтерс.
„Сум кажал и претходно – штом пушките пукнат, ќе одиме до крај. Но, дефинитивно нема да провоцираме“, изјави тајванскиот министер за одбрана.
Според Пекинг не треба да се прават паралели меѓу Тајван и Украина, бидејќи островот отсекогаш бил дел од Кина и е целосно внатрешно прашање.
Владата на Тајван истакнува дека само народот на Тајван има право да одлучува за својата иднина.
