Расправата за изборот на новите министри за правда, за здравство, за информатичко општество и за животна средина и просторно планирање, доцна синоќа беше прекината и продолжува денеска на пладне. .
Пратениците треба да се изјаснат околу предлогот Кренар Лога да биде иден министер за правда, министер за здравство – Фатмир Меџити, министер за информатичко општество и администрација – Азир Алиу и за министер за животна средина и просторно планирање – Каја Шукова.
Дебатата траеше до два часот по полноќ, а претседателот на Собранието Талат Џафери го закажана продолжението за денеска во 12 часот.
Седницата за реконструкција на Владата започна на 13 февруари.
Собранието ги констатираше оставките на министрите за правда, Никола Тупанчевски, за животна средина, Насер Нуредини, како и на замениците-министри за здравство, Владимир Рендевски и за правда, Агим Нухиу.
