Извори од Алијансата за Албанците за ТВ21 информираат дека договорот за влез на оваа партија во Владата е во завршна фаза.
Разговорите меѓу работните групи се интензивирани и вечерва или утре се очекува да биде финализиран договорот за сите ресори во извршниот за АА.
Според истите извори, АА се очекува да го преземе Министерството за здравство, правда и уште едно министерство кое се уште не е именувано.
Како што пишува Телма Кренар Лога ќе биде Министер за правда, а Фадиљ Цана Министер за здравство. Ова, како што дознава телевизијата, е договорено денеска меѓу новите коалициони партнери во власта. Лога е актуелен член на ДИК, а Цана е инфектолог на Инфективната клиника.
