„Огнената група“ има поголема популарност и прифатеност кај гласачите, тврди професорот Селим Ибраими од Институтот за безбедност и развој на Македонија кој смета дека Досега „Огнената група“ има поголема популарност во однос на, крилото на Али Ахмети во ДУИ.
,,Скопје и неговата околина се на страната на Огнената група. Останува да ги почекаме средбите во Тетово и Гостивар. Сепак, Групата има одлична репутација која Ахмети и неговите синови не ја гледаат или игнорираат, смета Ибраими според кого албанската политичка сцена во Македонија станува динамична но во неа дел од актерите не ја гледаат пошироката слика алудирајќи на Алијанса за Албанците која сака да влезе во владата.
,,За жал, дел од албанската опозиција ја губи историската шанса да стане дел од промените во албанскиот политички сектор”, смета професорот Селим Ибрахим кој дава анализа на состојбите во ДУИ и објавува зошто во партијата не е можен договор.
,,Заменик премиерот и близок пријател на претседателот Али Ахмети, Артан Груби со неговата кампања за рап или хип-хоп во 2022 година ја доведоа ДУИ до колапс во Полог. Груби и министерот за надворешни работи Османи се најлојалните луѓе кои ги чуваат пораките до претседателот. Можеби Ахмети не е виновен што многу луѓе со различно семејно и политичко потекло од поранешното комунистичко минато влегоа и излегоа од партијата.
Во моментов ДУИ има три сериозни и хронични проблеми: Прво, по 2002 година, со знаење или не на Ахмет, во партијата беа инсталирани група политичари од ПДП блиски на Црвенковски. Втората група ја сочинуваа поранешни албански комунисти од македонскиот социјалистички систем. Во третата група потоа влегле синовите на членови на семејството на партијата и други кои дошле со мисии внатре и надвор.
Сегашната ситуација укажува дека нема да се склучи со договор. За да го одржи претходното ниво на моќ и јавна власт, односно пред 2002 година, лидерот Ахмети мора или да се занимава со фигурите на поранешниот комунистички систем или да го замени сегашниот тим со чисти луѓе кои ќе ги спречат акциите за поголема поделба на партијата”, анализира Селим Ибраими.
