За РКЕ се неприфатливи дел од барањата на енергетските компании, дознава Телма. МЕПСО иако бара зголемување на цената на својата услуга за околу 30% пресметките на РКЕ покажуваат дека таа треба да се намали за 8,6%, а намалувањето на дистрибуција да биде 19.7% иако од компанијата бараа намалување од скромни 2.8%.
Со ваквите одлуки на РКЕ очигледно е дека ќе се компензира зголемувањето на ДДВ- то за струја од 5% по Нова година. Со ваквите параметри најверојатно цената на струјата од 1-ви јануари за домаќинствата ќе остане иста. Но конечната одлука регулаторна ќе ја донесе утре, кога и енергетските компании имаат право на жалба.
ЕСМ пак во следните шест месеци својата струја на ЕВН Хоум ќе и ја продава 16% поскапо еден мегават час за 56 евра наместо досегашните 48 евра. Вчера Регулсторна соопшти дека ако се прифатат сите барања на енергетските компании струјата би поскапела околу 4 отсто, а ако на тоа се додаде и ДДВ- то зголемувањета на цената би било околу 9%.
