Потпретседателот Изет Меџити, организациониот секретар Блерим Беџети и градоначалникот на Чаир, Висар Ганиу, не присуствуваа на новогодишниот коктел кој го свика претседателот на ДУИ, Али Ахмети.
Целта на отсуството била да се испрати порака, изјави Изет Меџити за Алсат.
„Ова е политички сигнал за нашето несогласување од непродолжување на сериозната дебата во највисокото партиско тело, претседателството на ДУИ. Пролонгирањето на конфронтацијата за отчетност на извршната власт и неодговорноста лесно се докажува и истото јавноста ќе има можност да го види“, изјави Изет Меџити, потпретседател на ДУИ.
