„Не плаќаат и никогаш не плаќале“!.
Ова е одговорот на првот човек на Регулаторна комисија, Марко Бислимовски, на прашањето дали граѓаните плаќаат струја и за оние кои ја крадат, во интервјуто за Радио слободна Европа.
Бислимовски вели дека одлуките што ги носи Регулаторната комисија за енергетика, се такви да не се признава трошок за ненаплата.
„ЕВН Хоум треба да наплати 100 проценти од тоа што е испорачано кај самите потрошувачи. Сето тоа што не е фактурирано и сите тие кражби одат на товар на операторот на дистрибутивниот систем“.
Бислимовскик објаснува дека загубите во мрежа се 13,8 проценти.
Регулаторната комисија за енергетика во 2022 година признава загуби од 12,4 проценти, во 2023 ќе признаваме загуби од 12,2 проценти и таа разлика до реалните загуби не ги признаваме во нашите одлуки и е на товар на операторот на дистрибутивниот систем.
Запрашан дали ако оправданата загуба – загревање на кабли, загуби при трансформација, е 10 проценти, а вие признавате 12,4 проценти, хипотетички дали е тогаш можно тие 2,4 проценти да се кражби коишто ние ги плаќаме, Бислимовски објаснува:
„„Има студија изработена од Електротехничкиот факултет и некаде, во зависност од периодот на годината, загубите на електрична енергија во нашата дистрибутивна мрежа се меѓу 11,5 и 13,5 проценти. Тоа се технички загуби заради структура на мрежа“.
Во денешното интервју за РСЕ, Бислимовски вели дека е противник на еветуално зголемување на цената на струијата по Нова Година.
„Јас сум противник да има поскапување на електричната енергија.
Прво треба да направиме анализи, да видиме како се обезбедуваат потребите на малите потрошувачи и на домаќинствата на регулираниот пазар и како е планот догодина да бидат обезбедени“, вели првиот човек на РКЕ.
