Расказот „Кажи му на кучењето“ на Симона Јовановска е првонаграден, „Герника“ на Ивана Смислевска ја доби втората награда, додека „Розов еж“ на Моника Стојановска е третонаграден на годинешниот анонимен Конкурс за краток расказ на „Нова Македонија“.
Признанија добија и Бјанка Станковиќ, наградена за расказот „Морска“ и Силвана Димитриевска за расказот „Вода“.
Од „Нова Македонија“ информираат дека од добитниците на откупните награди на врачувањето во кафулето „Капри“ не присуствуваше единствено Емилија Тодорова, наградена за „Големиот чекор“, која живее и работи во Австралија.
По официјалното врачување на наградите, редакцијата на „Нова Македонија“ ќе ги објавува избраните раскази во прилогот за култура ЛИК, кој излегува секоја среда.
