предлагам Ристо Пенов да биде министер за локална самоуправа и сакам да ве уверам дека станува збор за одличен предлог кој ќе ја зајакне Владата и ќе ја зголеми ефикасноста и успешноста во нејзиното работење, рече денеска пред пратениците премиерот Димитар Ковачевски.
„Предлагам вистински човек, на вистинско место, во вистинско време. Господинот Ристо Пенов е синоним за успешен градоначалник, за макотрпна работа, за резултати и успех“ рече премиерот според кој ресорот локална самоуправа е многу значаен.
Пенов е потврда за скромност, чесност и работливост. Тој е човек кој интерира, соработува и има визија. За него најдобро говорат капиталните проекти во Скопје, улиците, мостовите, инфраструктурата, километрите нови патишта, тротоари, нови плоштади, поддршка на локалните бизниси и на културата“, нагласи Ковачевски на денешната пленарна седница на која се расправа за предлогот Пенов да биде избран за нов министер за локална самоуправа.
Предлогот Пенов да биде избран за нов министер за локална самоуправа доаѓа откако неговиот сопартиец Горан Милевски поднесе оставка од функцијата од лични причини.
