Ситуацијата околу Косово останува главен безбедносен проблем на Балканот и бара посебно внимание од меѓународната заедница, изјави постојаниот претставник на Русија во Обединетите нации, Васил Небензија, во својот говор синоќа во Советот за безбедност на светската организација, пренесува Њуз.бг.
Советот за безбедност на ОН синоќа дискутира за новиот, шестмесечен извештај на генералниот секретар на ОН, Антонио Гутереш, за работата на мисијата во Косово, УНМИК.
Шефот на руската дипломатска мисија посочи дека „од почетокот на 2022 година, на Косово се регистрирани повеќе од 100 случаи на напади врз Срби, нивниот имот, гробишта и верски светилишта“, што е „речиси двојно повеќе од една година порано. .
Според рускиот дипломат, загрижувачки е фактот дека „Приштина продолжува да бара нова воена помош од Западот“ и „бара распоредување на втора американска база во покраината, испорака на системи за електронско војување и артилерија со опсег од над 10 км“, а косовскиот воен буџет „достигна рекорден обем кој надминува 100 милиони евра оваа година, што никако не говори за мирољубивите намери“ на властите.
