„Не се плашете браќа и сестри Македонци, нема начин да има бугаризација, ви го гарантирам јас, нема такво нешто“, нагласи професорот од Софија, Иван Динев Иванов, кој предава на Американскиот универзитет во Синсинати, САД.
Тој синоќа во емисијата „Само вистина“синоќа се извини за сите жртви од фашистичкиот период во Бугарија.
„Јас жалам за секој еден човек кој е убиен во Македонија, а такви има и не само за тие кои се убиени во Македонија, туку и за тие кои се убиени во Грција во Драмското востание. Јас во мое име кажувам дека жалам за секој еден човек. Дајте сега да погледнеме со други очи, еден кон друг, и да продолжиме напред“, потенцираше Динев Иванов, вечерва во емисијата „Само вистина“ на Канал 5 ТВ.
Тој обраќајќи им се на гледачите, рече дека нема начин за „бугаризација“, поренесе Фактор.
Тој порача до Македонците да си го чуваат идентитетот.
Осврнувајќи се на Договорот за добрососедство со Бугарија, тој посочи дека се направени грешки од бугарската страна.
„Грешки беа направени од бугарска страна. Има луѓе во политичката елита кои го искористија тоа намерно да направат една „срамота“ со ветото и тоа навистина создаде големи проблеми и голем негативизам. Денот кога ветотот беше објавено јас кажав дека „Бугарија сама на себе си стави вето“. Претседателот Радев греши и тоа го кажав, дека тоа што претседателот Радев мораше да го каже дека ние не можеме да дозволиме антибугарскиот национализам во Македонија и тоа јас се согласувам, а со македонизмот јас немам проблем, наведе Динев Иванов.
