На синоќешната седница Централниот одбор на ЛДП го прифати предлогот Ристо Пенов да биде наследник на Горан Милевски на местото министер за локална самоуправа.
Пено е поранешен градоначалник на Скопје во два мандати, во 1996 и 2000 година, по завршувањето на градоначалничката функција, беше пратеник во Собранието, исто така со два мандати.
Милевски, пак, даде оставка од ова место на 20 септември и најави повлекување од лидерското место во партијата. Неговата оставка во јавноста се поврзува со неговиот став за Францускиот предлог, различен од оној што го имаше владејачката коалиција, чиј член е и неговата Либерално-демократска партија (ЛДП).
