Автомобилот на украинскиот претседател Володимир Зеленски учествуваше во сообраќајна несреќа во Киев, но тој не е тешко повреден, објави утрово на Фејсбук неговиот портпарол Сергеј Никифоров.
Никифоров не кажа кога се случила несреќата, но рече дека автомобилот на Зеленски се судрил со приватно возило.
„Претседателот беше прегледан од лекар, нема сериозни повреди“, рече тој и додаде дека инцидентот ќе се истражува.
Лекарите кои го придружуваа Зеленски му пружиле итна помош на возачот на приватниот автомобил.
Неколку минути откако Никифоров ја даде својата изјава, кабинетот на Зеленски го објави видеото од ноќното обраќање на претседателот секој ден.
