Руски Гаспром соопшти дека неговиот клучен гасовод кон Европа Северен тек 1 не може повторно да се отвори денеска како што е планирано во сабота, бидејќи бил откриен нов технички проблем.
Тоа е огромен удар за Европа, која се бори да го наполни складиштето за гас пред зимата и со недели се обидува да ги погоди следните чекори на Москва во енергетската војна, пишува Блумберг.
Откриено е истекување масло на гасната турбина што помага да се пумпа гас во гасоводот.
Гаспром сега треба да го реши проблемот пред да се рестартира гасоводот, се вели во соопштението доцна во петокот. Нема индикации за тоа колку долго може да потрае.
