Ќе се заштитат правата на етничките Срби во Косово, вети денеска српскиот претседател Александар Вучиќ на прес-конференција по разговорите со претставници на косовската администрација, јави РТС.
Шефот на државата го повика и НАТО да ја гарантира безбедноста на косовските Срби.
„Ние ќе го заштитиме нашиот народ од прогон и погроми, без разлика што сака НАТО. „Сега косовската администрација е особено решена да ги протера Србите од Косово и Метохија како последна коска во грлото“, рече Вучиќ.
Според него, „Приштина отфрла се’ што предлагаат Србите, косовските власти имаат две цели – да ги елиминираат српските институции на Косово и да ги прогонуваат Србите“.
Вучиќ истакна дека доколку не престане протерувањето на Србите од Косово, српските претставници ќе ги напуштат административните институции во регионот.
Вучиќ претходно денеска имаше средба со претставници на косовските Срби.
Потсетуваме дека тој во четвртокот во Брисел имаше средба со премиерот на Косово Албин Курти и со претставници на ЕУ.
Сепак, средбата заврши без напредок.
Вучиќ ги опиша преговорите со Косово како исклучително тешки, но изрази надеж дека „по некое чудо може да се постигне компромисно решение“.
Шефот на дипломатијата на ЕУ, Жозеп Борел, најави дека двајцата лидери на средбата во Брисел не постигнале договор за нормализирање на односите, страните се договориле да го продолжат дијалогот во наредните денови.
Според него, и Вучиќ и Курти се согласуваат дека нема алтернатива за дијалог за решавање на проблемите во регионот.
Ситуацијата во регионот се искомплицира откако, во знак на протест против одлуката на косовските локални власти да забранат влез на автомобили со српски регистарски таблички и документи од 1 август. Поради тоа, неколку контролни пунктови на административната граница меѓу Србија и Косово мораше привремено да бидат затворени.
